Kosningar til Alþingis 25. september 2021

Kosið var til Alþingis laugardaginn 25. september 2021 í samræmi við forsetabréf um þingrof og almennar kosningar frá 12. ágúst sl.

Upplýsingar um kosningarnar er annars vegar að finna í hagtíðindum Hagstofu Íslands og hins vegar í skýrslum yfirkjörstjórna og landskjörstjórnar.

Framboð, kjósendur, kosningaþátttaka

Hagstofa Íslands gefur út kosningaskýrslur. Skýrsla um alþingiskosningarnar 2021 verður hægt að nálgast á vefsíðu Hagstofunnar.

Úrslit og úthlutun þingsæta

Á fundi landskjörstjórnar 1. október 2017 var samþykkt greinargerð um úrslit alþingiskosninganna 25. september 2021 og þingsætum úthlutað til frambjóðenda í samræmi við ákvæði XVI. kafla laga nr. 24/2000, um kosningar til Alþingis. Við útreikninga naut landskjörstjórn aðstoðar Stefáns Inga Valdimarssonar, stærðfræðings. Úthlutunin byggðist á skýrslum yfirkjörstjórna um kosningaúrslit í kjördæmum. Hér er hægt að nálgast greinargerðina:

Útreikningur á úthlutun þingsæta við alþingiskosningar 25. september 2021.

Yfirkjörstjórnir í hverju kjördæmi skila landskjörstjórn skýrslum um talningu atkvæða. Í skýrslum yfirkjörstjórna er m.a. að finna atkvæði frambjóðenda í einstök sæti eftir að tekið hefur verið tillit til breytinga kjósenda á röð frambjóðenda. Þessar upplýsingar er að finna á eftirtöldum skjölum, en þar má enn fremur sjá tölu útstrikana hvers frambjóðanda (ásamt tilfærslum í sæti neðar en nemur svonefndri röðunartölu) og heildaratkvæðatölu frambjóðenda sem landskjörstjórn reiknar út, sbr. 110. gr. kosningalaganna:
Norðvesturkjördæmi 
Norðausturkjördæmi 
Suðurkjördæmi
Suðvesturkjördæmi
Reykjavíkurkjördæmi suður
Reykjavíkurkjördæmi norður

Landskjörstjórn.

Mörk kjördæmanna í Reykjavík

Landskjörstjórn auglýsti 27. ágúst 2021 mörk norður- og suðurkjördæma í Reykjavík í Stjórnartíðindum, sbr. 1. mgr. 7. gr. laga nr. 24/2000, um kosningar til Alþingis. 

Skipting þingsæta milli kjördæma

Um fjölda þingsæta og skiptingu þeirra er fjallað í 8. gr. kosningalaga, sbr. auglýsingu landskjörstjórnar nr. 944/2017, útreikninga sem liggja til grundvallar má finna í tilkynningu landskjörstjórnar frá 9. nóvember 2017. Þingsæti eru 63, þar af eru kjördæmissæti 54 og jöfnunarsæti 9. Þau skiptast þannig milli kjördæma:

KjördæmiÞingsætiKjördæmissætiJöfnunarsæti
Norðvesturkjördæmi871
Norðausturkjördæmi1091
Suðurkjördæmi1091
Suðvesturkjördæmi13112
Reykjavíkurkjördæmi suður1192
Reykjavíkurkjördæmi norður1192