Landkjörstjórn - Tilkynningar

Niðurstöðum þjóðaratkvæðagreiðslunnar lýst

Fri, 15 Apr 2011 16:00:00 +0000

Niðurstöðum þjóðaratkvæðagreiðslunnar um gildi laga nr. 13/2011, sem fram fór laugardaginn 9. apríl 2011, var lýst á fundi landskjörstjórnar 15. apríl. Engar kærur bárust um ólögmæti atkvæðagreiðslunnar.

Niðurstaða talningar við þjóðaratkvæðagreiðsluna 9. apríl 2011

Sun, 10 Apr 2011 17:44:00 +0000

Talningu atkvæða við þjóðaratkvæðagreiðslu um gildi laga nr. 13/2011 lauk kl. 15.30 hinn 10. apríl. Samkvæmt skýrslum yfirkjörstjórna voru 232.422 kjósendur á kjörskrá og greiddu 175.114 manns atkvæði. Niðurstaða talningarinnar var að 69.462 svöruðu því að lögin ættu að halda gildi en 103.207 að þau skyldu falla úr gildi. Ógild atkvæði voru 2.445, þar af 2.039 auðir seðlar en 406 atkvæði var ógilt af öðrum ástæðum.

Hlutverk landskjörstjórnar við þjóðaratkvæðagreiðsluna
9. apríl næst komandi.

Thu, 7 Apr 2011 15:52:00 +0000

Hlutverk landskjörstjórnar við þjóðaratkvæðagreiðsluna 9. apríl næst komandi.

Hlutverk landskjörstjórnar við atkvæðagreiðsluna er afmarkað í lögum nr. 91/2010, um framkvæmd þjóðaratkvæðagreiðslna, sbr. lög nr. 23/2011. Verkefni landskjörstjórnar er samkvæmt lögunum tvíþætt:

Umboðsmenn andstæðra sjónarmiða

Fri, 18 Mar 2011 15:04:00 +0000

Landskjörstjórn hefur skipað tólf einstaklinga sem umboðsmenn ólíkra sjónarmiða við þjóðaratkvæðagreiðsluna í einstökum kjördæmum, skv. 2. mgr. 9. gr. laga nr. 91/2010, um framkvæmd þjóðaratkvæðagreiðslna, sbr. 2. gr. laga nr. 23/2011, um breytingu á þeim lögum.

Mörk kjördæmanna í Reykjavík
við þjóðaratkvæðagreiðsluna 9. apríl 2011

Wed, 16 Mar 2011 09:56:00 +0000

Við fyrirhugaða þjóðaratkvæðagreiðslu 9. apríl um skilmála ríkisábyrgðar á láni út af ICESAVE-samningunum, eiga mörk kjördæma að vera þau sömu og við síðustu alþingiskosningarnar, sbr. 2. mgr. 2. gr. laga nr. 91/2010, um framkvæmd þjóðaratkvæðagreiðslna.

Landskjörstjórn hefur lokið talningu atkvæða

Tue, 30 Nov 2010 16:46:00 +0000

Landskjörstjórn hefur lokið talningu atkvæða í kosningum til stjórnlagaþings, er fram fóru laugardaginn 27. nóvember sl.

Í meðfylgjandi skrám má finna lista yfir þá 25 frambjóðendur sem hlutu kosningu til stjórnlagaþings, uppgjör landskjörstjórnar, ásamt skrá sem geymir upplýsingar um framkvæmd talningarinnar, sbr. 1. mgr. 14. gr. laga um stjórnlagaþing.

Hér má sjá á einfaldan hátt hvernig atkvæði fluttust á milli frambjóðenda í hverri lotu.

Enn fremur má sjá hér hve oft auðkennistala frambjóðenda kom fyrir á hverjum kjörseðli og eftir vali kjósenda. (Uppfært 3.12.2010)

fh. landskjörstjórnar

Þórhallur Vilhjálmsson

Auglýsing um talningu atkvæða í kosningum til stjórnlagaþings 27. nóvember 2010 og móttöku utankjörfundaratkvæða.

Fri, 19 Nov 2010 11:54:00 +0000

Landskjörstjórn kemur saman að loknum kjörfundi kl. 22 laugardaginn 27. nóvember nk. til þess að opna atkvæðakassa og undirbúa talningu atkvæða í kosningum til stjórnlagaþings, sem fram fara sama dag. Atkvæðin verða talin í Laugardalshöll, Engjavegi 8 í Reykjavík, og hefst talningin kl. 9, sunnudaginn 28. nóvember nk. Úrslit kosninganna verða kunngerð strax að talningu lokinni.

Mörk kjördæmanna í Reykjavík við kosningar til stjórnlagaþings 27. nóvember 2010.

Wed, 10 Nov 2010 07:56:00 +0000

Við fyrirhugaða kosningar til stjórnlagaþings 27. nóvember 2010 eiga mörk kjördæma að vera þau sömu og við síðustu alþingiskosningarnar, sbr. 15. gr. a laga nr. 90/2010 um stjórnlagaþing, sbr. auglýsingu dómsmála- og mannréttindaráðuneytisins í Lögbirtingablaði, 23. september 2010. Á fundi landskjörstjórnar 8. nóvember sl. var samþykkt ályktun um að auglýsing nr. 346/2009, sem fjallar um mörk kjördæmanna tveggja í Reykjavík við alþingiskosningarnar 25. apríl 2009, skuli fylgt við kosningarnar.

Fréttatilkynning. Listi yfir frambjóðendur í framboði til stjórnlagaþings

Fri, 29 Oct 2010 21:34:00 +0000

Á fundi landskjörstjórnar 25. október sl. lauk landskjörstjórn yfirferð sinni yfir framkomin framboð. Í samræmi við fyrirmæli 6. og 7. mgr. 8. gr. laga um stjórnlagaþing hefur frambjóðendum verið raðað í starfrófsröð, en fyrsta nafn í röðinni var valið að handahófi í viðurvist sýslumannsins í Reykjavík.

Listi yfir frambjóðendur í framboði til stjórnlagaþings.

Fréttatilkynning

Mon, 25 Oct 2010 21:44:00 +0000

Landskjörstjórn bárust alls 526 gild framboð til stjórnlagaþings. Á fundi landskjörstjórnar í dag lá jafnframt fyrir að þrír einstaklingar höfðu afturkallað framboð sín. Ekki kom til þess að úrskurða þyrfti um gildi einstakra framboða. Alls verða því 523 einstaklingar í framboði til stjórnlagaþings, en kosningar til þess fara fram 27. nóvember nk. Frambjóðendur skiptast þannig að konur eru 159 en karlar 364.

Landskjörstjórn bárust 525 framboð til stjórnlagaþings

Fri, 22 Oct 2010 11:30:00 +0000

Við lok framboðsfrests á hádegi 18. október sl. höfðu landskjörstjórn borist 525 framboð til stjórnlagaþings. Frambjóðendur skiptast þannig eftir kynjum að konur eru 159 (30,3%), og karlar 366 (69,7%).

Auglýsing um kosningar til stjórnlagaþings

Fri, 24 Sep 2010 15:58:00 +0000

Með vísan til 4. gr. laga um stjórnlagaþing, sbr. 7. gr. sömu laga, hefur forseti Alþingis ákveðið að kosning til stjórnlagaþings fari fram laugardaginn 27. nóvember nk.

Upplýsingar um framboð og kosningar til stjórnlagaþings

Thu, 23 Sep 2010 16:48:00 +0000

Búið er að setja inn á vef landskjörstjórnar upplýsingar um framboð og kosningar til stjórnlagaþings. Ef smellt er á flipann „stjórnlagaþing“ efst á þessari síðu má nálgast margvíslegar upplýsingar, ásamt eyðublöðum fyrir frambjóðendur. Áhugasömum er bent á að fylgjast reglulega með síðunni þar sem nýtt efni verður sett inn eftir því sem ástæða þykir til.

Jafnframt er vakin athygli á fréttatilkynningu frá dómsmála- og mannréttindaráðuneytinu og landskjörstjórn um kosningar til stjórnlagaþings 27. nóvember 2010, en fréttatilkynninguna má lesa í heild sinni hér að neðan:

Niðurstöðum þjóðaratkvæðagreiðslunnar lýst

Tue, 16 Mar 2010 13:44:04 +0000

Niðurstöðum þjóðaratkvæðagreiðslunnar um gildi laga nr. 1/2010, sem fram fór laugardaginn 6. mars 2010, var lýst á fundi landskjörstjórnar 15. mars 2010. Engar kærur bárust um ólögmæti atkvæðagreiðslunnar en úrskurðað var um gildi fimm ágreiningsatkvæða.

Niðurstaða talningar við þjóðaratkvæðagreiðsluna 6. mars 2010.

Mon, 8 Mar 2010 11:08:01 +0000

Talningu atkvæða við þjóðaratkvæðagreiðslu um gildi laga nr. 1/2010 lauk kl. 19:00 hinn 7. mars. Samkvæmt skýrslum yfirkjörstjórna voru 229.977 kjósendur á kjörskrá og greiddu 144.231 manns atkvæði. Niðurstaða talningarinnar var að 2.599 svöruðu að lögin ættu að halda gildi en 134.397 að þau skyldu falla úr gildi. Ógild atkvæði voru 7.235. Þar af voru 6.744 seðlar auðir en 491 atkvæði var ógilt af öðrum ástæðum.

Umboðsmenn ólíkra sjónarmiða í einstökum kjördæmum

Tue, 2 Mar 2010 17:13:49 +0000

Landskjörstjórn skipaði í dag, 2. mars 2010, tólf einstaklinga sem umboðsmenn ólíkra sjónarmiða í einstökum kjördæmum við þjóðaratkvæðagreiðsluna laugardaginn 6. mars næst komandi, sbr. 9. gr. laga nr. 4/2010 um framkvæmd atkvæðagreiðslunnar.

Mörk kjördæmanna í Reykjavík við þjóðaratkvæðagreiðsluna 6. mars 2010.

Mon, 8 Feb 2010 12:36:00 +0000

Við fyrirhugaða þjóðaratkvæðagreiðslu 6. mars, um skilmála ríkisábyrgðar á láni út af ICESAVE-samningunum, verða mörk kjördæmanna tveggja í Reykjavík þau sömu og við síðustu alþingiskosningar 25. apríl 2009. Mörkin koma fram í auglýsingu frá landskjörstjórn nr. 346/2009. Á fundi landskjörstjórnar 5. febrúar var enn fremur ályktað að þeir sem búa erlendis en ber að taka á kjörskrá í Reykjavík svo og þeir sem eru óstaðsettir í hús í Reykjavík skuli einnig greiða atkvæði í sama kjördæmi og við síðustu alþingiskosningar. Þeir sem tilheyra þessum hópum og eru fæddir 1. til 15. hvers mánaðar greiða atkvæði í Reykjavíkurkjördæmi suður en þeir sem eru fæddir 16. dag mánaðar eða síðar greiða atkvæði í Reykjavíkurkjördæmi norður.

Umsagnir landskjörstjórnar um þingmál

Mon, 21 Dec 2009 12:46:00 +0000

Á haustþinginu 2009 óskaði allsherjarnefnd Alþingis eftir umsögn landskjörstjórnar um fjögur lagafrumvörp. Tvö þeirra fjalla um þjóðaratkvæðagreiðslur (5. og 112. mál) og landskjörstjórn hafði áður veitt umsögn um. Þá var óskað eftir umsögn um frumvarp um breytingar á lögum kosningar til Alþingis sem miða að auknu persónukjöri (102. mál). Að lokum var frumvarp um stjórnlagaþing lagt fyrir landskjörstjórn til umsagnar (152. mál). Beiðnirnar voru teknar fyrir á fundum landskjörstjórnar 17. og 30. nóvember 2009 og meðfylgjandi svör send til allsherjarnefndar.

Umsögn um persónukjörsfrumvarp

Umsögn um stjórnarfrumvarp um þjóðaratkvæðagreiðslu

Umsögn um þingmannafrumvarp um þjóðaratkvæðagreiðslu

Umsögn um frumvarp um stjórnlagaþing

Umsagnir landskjörstjórnar um þingmál

Wed, 7 Oct 2009 09:04:00 +0000

Á sumarþinginu 2009 óskaði allsherjarnefnd Alþingis eftir umsögn landskjörstjórnar um þrjú lagafrumvörp. Tvö þeirra fjölluðu um þjóðaratkvæðagreiðslur en eitt um breytingar á lögum kosningar til sveitarstjórna (persónukjör). Beiðnirnar voru teknar fyrir á fundum landskjörstjórnar 8. júlí og 18. ágúst 2009 og meðfylgjandi svör send til allsherjarnefndar.

Umsögn um frumvörp um þjóðaratkvæðagreiðslur

Umsögn um breytingar á lögum um kosningar til sveitarstjórna

Ný landskjörstjórn

Wed, 7 Oct 2009 08:54:00 +0000

Á þingfundi 11. ágúst síðast liðinn var ný landskjörstjórn kosin. Sú breyting varð á skipan aðalmanna að í stað Hrafnhildar Stefánsdóttur kom Þuríður Jónsdóttir. Á fundi landskjörstjórnar 18. sama mánaðar var samþykkt að Ástráður Haraldsson yrði áfram formaður og Bryndís Hlöðversdóttir varaformaður.

Skipan landskjörstjórnar

Úrslit alþingiskosninganna 25. apríl 2009

Thu, 7 May 2009 17:13:44 +0000

Á fundi landskjörstjórnar 4. maí 2009 var farið yfir úrslit alþingiskosninganna 25. apríl 2009 og þingsætum úthlutað til frambjóðenda í samræmi við ákvæði XVI. kafla laga nr. 24/2000, um kosningar til Alþingis. Þá gaf landskjörstjórn út kjörbréf til þeirra frambjóðenda sem náðu kjöri og jafnmargra varamanna. Sjá nánar Alþingiskosningar 2009.

Færsla þingsætis í kjölfar alþingiskosninganna 25. apríl 2009

Thu, 7 May 2009 16:35:25 +0000

Á fundi landskjörstjórnar 4. maí 2009 var í samræmi við 5. mgr. 31. gr. stjórnarskrárinnar og 9. gr. laga um kosningar til Alþingis ákveðið að við næstu almennu alþingiskosningar skuli vera átta þingsæti í Norðvesturkjördæmi, sjö kjördæmissæti og eitt jöfnunarsæti, en þrettán í Suðvesturkjördæmi, ellefu kjördæmissæti og tvö jöfnunarsæti. Auglýsing um þessa breytingu verður birt í Stjórnartíðindum í samræmi við 2. mgr. 9. gr. laga um kosningar til Alþingis. Í fylgiskjali má sjá útreikning sem liggur þessari ákvörðun til grundvallar.

Fylgiskjal (pdf)

Tilkynning frá landskjörstjórn

Mon, 4 May 2009 11:12:00 +0000

Landskjörstjórn kemur saman til fundar mánudaginn 4. maí 2009, kl. 17 til að úthluta þingsætum á grundvelli kosningaúrslita í kjördæmum eftir almennar alþingiskosningar sem fram fóru hinn 25. apríl sl.

Hér með er umboðsmönnum þeirra stjórnmálasamtaka sem buðu fram við alþingiskosningarnar gefinn kostur á að koma til fundarins, sem haldinn verður á 2. hæð í Austurstræti 8—10, Reykjavík, húsnæði nefndasviðs Alþingis. Gengið er inn frá Vallarstræti.

Tilkynning um lista sem verða í framboði við alþingiskosningar 25. apríl 2009.

Fri, 17 Apr 2009 18:11:00 +0000

Á fundi landskjörstjórnar kl. 15.00 í dag föstudaginn 17. apríl var í samræmi við 44. gr. laga um kosningar til Alþingis gert kunnugt um þá lista sem verða í bornir fram í alþingiskosningunum 25. apríl næst komandi.

Eftirtaldir listar verða bornir fram í öllum kjördæmum landsins við komandi alþingiskosningar:

B-listi borinn fram af Framsóknarflokknum.

D-listi borinn fram af Sjálfstæðisflokknum.

F-listi borinn fram af Frjálslyndaflokknum.

O-listi borinn fram af Borgarahreyfingunni – Þjóðin á þing.

P-listi borinn fram af Lýðræðishreyfingunni.

S-listi borinn fram af Samfylkingunni.
V-listi borinn fram af Vinstri hreyfingunni – grænu framboði.

Úrskurður um kæru Lýðræðishreyfingarinnar.

Fri, 17 Apr 2009 18:07:00 +0000

Síðdegis föstudaginn 17. apríl tók landskjörstjórn til umfjöllunar kæru Lýðræðishreyfingarinnar út af úrskurðum yfirkjörstjórna Reykjavíkurkjördæma suður og norður, þar sem komist hafði verið að þeirri niðurstöðu að framboðslistar hreyfingarinnar væru ógildir í þessum kjördæmum. Niðurstaða landskjörstjórnar var að þeir annmarkar sem voru á yfirlýsingum frambjóðenda um samþykki þeirra fyrir því að taka sæti á framboðslistunum ættu ekki að leiða til ógildingar þeirra. Listarnir voru því úrskurðaðir gildir.

Úrskurður

Tilkynning frá landskjörstjórn

Fri, 17 Apr 2009 00:00:00 +0000

Landskjörstjórn tekur framboðslista sem bornir eru fram við alþingiskosningarnar 25. apríl 2009 til meðferðar og afgreiðslu á fundi föstudaginn 17. apríl næst komandi kl. 15 á 2. hæð í Austurstræti 8-10 í Reykjavík (gengið inn frá Vallarstræti).

Umboðsmenn stjórnmálasamtaka sem bjóða fram lista eiga rétt á að vera viðstaddir fundinn, sbr. 40. gr. laga um kosningar til Alþingis, nr. 24/2000.

Auglýsing um mörk kjördæmanna í Reykjavík

Fri, 3 Apr 2009 17:00:00 +0000

Í gær 2. apríl 2009 ákvað landskjörstjórn hver ættu að vera mörk norður- og suðurkjördæma í Reykjavík, sbr. 1. mgr. 7. gr. laga nr. 24/2000, um kosingar til Alþingis. Mörkin eru óbreytt frá síðustu alþingiskosningum 2007.

Breytingar á skipan landskjörstjórnar

Wed, 4 Mar 2009 11:15:55 +0000

Hinn 2. febrúar 2009 sagði formaður landskjörstjórnar, Gísli Baldur Garðarsson hrl., af sér sem formaður og tilkynnti um leið afsögn sína úr landskjörstjórn. Á fundi Alþingis 24. febrúar var Hrafnhildur Stefánsdóttir hrl. kosin í hans stað og Gunnar Sturluson hrl. kosinn varamaður hennar. Þá var á fundi Alþingis 26. febrúar kosinn nýr varamaður, Sigurjón Unnar Sveinsson, í stað Eysteins Eyjólfssonar. Á fundi landskjörstjórnar 26. febrúar var Ástráður Haraldsson hrl. kjörinn formaður landskjörstjórnar. Verkaskipting milli stjórnarmanna er að öðru leyti óbreytt.

Auglýsing frá landskjörstjórn um fjölda kjördæmissæta í Norðvesturkjördæmi og Suðvesturkjördæmi.

Tue, 13 Jan 2009 14:23:00 +0000

Á fundi landskjörstjórnar 5. desember síðast liðinn var ákveðið að birta auglýsingu í samræmi við 9. gr. laga nr. 24/2000, um kosningar til Alþingis, þar sem staðfest er að áfram skuli vera níu þingsæti í Norðvesturkjördæmi og tólf þingsæti í Suðvesturkjördæmi. Ákvörðunin er reist á útreikningi samkvæmt 1. mgr. 9. gr. laganna er leiddi í ljós að hlutfall kjósenda á kjörskrá við alþingiskosningarnar 2007 kallaði ekki á breytingu á þeirri tilfærslu þingsæta sem gerð var í kjölfar kosninganna 2003, sbr. auglýsingu nr. 361/2003. Nýja auglýsingin var birt í B-deild Stjórnartíðinda 22. desember 2008 og hlaut stjórnartíðindanúmerið 1154/2008.

Auglýsing nr. 1154/2008.

Landkjörstjórn - Tilkynningar

Niðurstöðum þjóðaratkvæðagreiðslunnar lýst

Niðurstaða talningar við þjóðaratkvæðagreiðsluna 9. apríl 2011

Hlutverk landskjörstjórnar við þjóðaratkvæðagreiðsluna 9. apríl næst komandi.

Umboðsmenn andstæðra sjónarmiða

Mörk kjördæmanna í Reykjavík við þjóðaratkvæðagreiðsluna 9. apríl 2011

Landskjörstjórn hefur lokið talningu atkvæða

Auglýsing um talningu atkvæða í kosningum til stjórnlagaþings 27. nóvember 2010 og móttöku utankjörfundaratkvæða.

Mörk kjördæmanna í Reykjavík við kosningar til stjórnlagaþings 27. nóvember 2010.

Fréttatilkynning. Listi yfir frambjóðendur í framboði til stjórnlagaþings

Fréttatilkynning

Landskjörstjórn bárust 525 framboð til stjórnlagaþings

Auglýsing um kosningar til stjórnlagaþings

Upplýsingar um framboð og kosningar til stjórnlagaþings

Niðurstöðum þjóðaratkvæðagreiðslunnar lýst

Niðurstaða talningar við þjóðaratkvæðagreiðsluna 6. mars 2010.

Umboðsmenn ólíkra sjónarmiða í einstökum kjördæmum

Mörk kjördæmanna í Reykjavík við þjóðaratkvæðagreiðsluna 6. mars 2010.

Umsagnir landskjörstjórnar um þingmál

Umsagnir landskjörstjórnar um þingmál

Ný landskjörstjórn

Úrslit alþingiskosninganna 25. apríl 2009

Færsla þingsætis í kjölfar alþingiskosninganna 25. apríl 2009

Tilkynning frá landskjörstjórn

Tilkynning um lista sem verða í framboði við alþingiskosningar 25. apríl 2009.

Úrskurður um kæru Lýðræðishreyfingarinnar.

Tilkynning frá landskjörstjórn

Auglýsing um mörk kjördæmanna í Reykjavík

Breytingar á skipan landskjörstjórnar

Auglýsing frá landskjörstjórn um fjölda kjördæmissæta í Norðvesturkjördæmi og Suðvesturkjördæmi.

Hlutverk landskjörstjórnar við þjóðaratkvæðagreiðsluna
9. apríl næst komandi.

Mörk kjördæmanna í Reykjavík
við þjóðaratkvæðagreiðsluna 9. apríl 2011